PCMania.ge

Orbit Downloader 4.0.2 და Opera 10.61

DEVI — Fri, 13 Aug 2010 15:06:51 +0000

დღეს მინდოდა ერთ პატარა პრობლემაზე მესაუბრა მაგრამ რადგან თემას მოჰყვა მოდით ჯერ თავად თემის მთავარ როლში მონაწილე პროგრამების ახალ ვერსიებს შემოგთავაზებთ:

Orbit Downloader 4.0.2

სიახლე ბევრი არაფერია,

- გამოსწორდა Orbit-ის და Firefox-ის ინტეგრაციის პრობლემა. ზოგიერთი ჩამოტვირთვის დროს არ ხდებოდა Orbit-ის გამოძახება..

- გაუმჯობესდა Orbit-ის ახალი სერვისის Software Updater მუშაობა. შეგახსენებთ რომ სერვისი ეძებს თქვენს კომპიუტერში არსებული პროგრამების ვერსიას და შემდეგ მისი განახლებული ვერსიის ჩამოტვირთვას გთავაზობთ..

პროგრამა უფასოა და ჩამოქაჩვა შეგიძლიათ ჩვენივე სერვერიდან: Orbit Downloader 4.0.2

Opera 10.61

ოპერამ საკმაოდ ბევრი ცვლილება განიცადა.. ბოლო 60 და 61 ვერსიებში (და საერთოდ 50-იდან მოყოლებული) სერიოზული ძვრებია.

ოპერას ჩეინჯლოგს შეგიძლიათ გადახედოთ აქ.

გადმოწერეთ Opera 10.61

პრობლემა

თუკი თქვენ ხართ Facebook-ის და ოპერას აქტიური მომხმარებელი და აპირებთ ამავდროულად Orbit Downloader-ის დაყენებას მინდა გითხრათ რომ Orbit-ის ინსტალაციის დროს არავითარ შემთხვევაში არ მიუთითოთ ოპერასთან ინტეგრაცია..

საქმე იმაშია რომ Facebook-ის ჩატში ლაპარაკისას ყოველ ახალ მოსულ შეტყობინებაზე სისტემა აგდებს “ტკაპის” მსგავს ხმას.. ხოლო თუკი თქვენ ოპერაში ჩააინტეგრირებთ Orbit-ს მაშინ ეს ხმა აღიქმება როგორც mp3 ფაილის ჩამოტვირთვის პროცესი.

ანუ ყოველი ახალი შეტყობინებისას Orbit-ი იწყებს ამოხტომას და ახალი ჩამოტვირთვის შემოთავაზებას..

წარმოიდგინეთ ხანგრძლივი საუბრისას რა გემრიელად გაწვალდებით ყოველ ახალ შეტყობინებაზე Orbit-ის დახურვით : )

…………

სულ ეს არის რაც უნდა მეთქვა.. იმედია რომელიმე თქვენგანი მაინც გადავარჩინე წვალებას

შემთხვევითი პოსტები

შენ გააქვს Twitter-ი?

DEVI — Wed, 21 Jul 2010 22:09:14 +0000

გავიცნოთ Twitter-ი..

მოდით დავიწყოთ თვითონ სახელწოდებიდან…

სიტყვა Twitter ნიშნავს “მოჭიკჭიკე”, “მოჭღურტულე”…

Twitter.com-ი იგივე Twitter-ი არის ონლაინ აპლიკაცია/სერვისი რომელიც ნაწილობრივ ბლოგია, ნაწილობრივ სოციალური ქსელი და ზოგჯერ მესენჯერის ფუნქციასაც თავისუფლად ასრულებს.

სერვისი იმისთვის შეიქმნა რომ უპასუხოთ ასე ხშირად დასმულ კითხვას “რას შვები?”

ანუ ძირითადი არსი სერვისისა არის ის რომ ონლაინ რეჟიმში, მოკლე შეტყობინებებით შენს მეგობრებს შეატყობინო თუ რას აკეთებ ამწუთას რომელიც უნდა ჩაატიოთ 140 სიმბოლოში (მსგავსად SMS-ისა).

ტვიტები და მათი შინაარსი..

ამ მოკლე შეტყობინებების გაგზავნის პროცესს ეწოდება დატვივტვა რომელიც როგორც ტერმინი ფართოდაა გავრცელებული სოციალურ მედიაში..

დატვიტულ შეტყობინებებს ტვიტებს (tweets) უწოდებენ.

როდესაც თქვენ ტვიტავთ (ანუ აგზავნით Twitter-ით მოკლე შეტყობინებას) თქვენს შეტყობინებას ხედავს და კითხულობს ყველა ის ადამიანი რომელიც თქვენი კონტაქტების/მეგობრების სიაშია შეყვანილი, ანუ ტვიტერის ენაზე “ის ადამიანები რომლებიც თვქენი Follower-ები არიან (Follow – გამოყოლა, აკიდება – ანუ თქვენს ტვიტერს აკიდებული), ასევე ეს ტვიტები (თუ ნებადართულია კონფიგურაციაში მასობრივი გავრცელება) თქვენი პროფილის გვერდზეც ჩანს.

და რათქმაუნდა პირიქით, თქვენი Twitter-ის მთავარ გვერდზე ხედავთ იმ ადამიანების მესიჯებს/ტვიტებს რომლებზეც თავად ხართ ადევნებული ანუ რომელთა Follower-იც ხართ…

ტვიტები ძირითადად გვამცნობენ თუ რას აკეთებს, რა სურს ან რას აპირებს იმ მომენტში თავად ტვიტის ავტორი.. თუმცა ამავდროულად არსებული ტვიტების უმრავლესობა არის რომელიმე საწყისი შეტყობინების პასუხები.

მაგ:

@მომხმარებელი#1 – ტვიტი#1 – “დიდი სიამოვნებით მივირთმევდი ცხელ ყავას”

@მომხმარებელი#2 – ტვიტი #2 – “აუ მეც ძალიან მინდა..”

@მომხმარებელი#3 – ტვიტი #3 – “მე ვერ ვსვავ ყავას, ბევრი კოფეინია ”

ან

@მომხმარებელი#1 – ტვიტი#1 – “კონცერტის ბილეთი ვიყიდე.. ხვალ მივდივარ : )”

@მომხმარებელი#2 – ტვიტი #2 – “მეც მივდივარ, გუშინ მაჩუქეს 2 ბილეთი..”

@მომხმარებელი#3 – ტვიტი #3 – “რომელ საათზე იწყება?”

@მომხმარებელი#2 – ტვიტი #4 – “7-ზე მაგრამ რიგები იქნება და ცოტა ადრე მოდი…”

ამ შემთხვევაში საწყისი შეტყობინება იყო ტვიტი#1, ხოლო არსებული ტვიტების უმრავლესობა (ანუ დანარჩენი 2) იყო მასზე ან მის შემდგომზე პასუხი..

ამის გარდა ხშირად ტვიტები ატარებენ სხვადასხვა სახის შინაარსს, რაც შეიძლება იყოს რომელიმე ვებსაიტის ფოტოს ან ვიდეოს ლინკი, მოსაზრება რაიმე საკითხზე, რაიმე გლობალური სიახლე ან კითხვა რაიმე თემის გარშემო..

სწორედ ასე მარტივად და უცბად წამოსროლილი მოსაზრებებისა და სხვადასხვა მესიჯების გამო – ამ პროცესს ეწოდა დატვიტვა (ანუ თუ ვთარგმნით გამოვა წაჭიკჭიკება, წაჟღურტულება) – ხოლო სერვისს მოჭიკჭიკე ანუ Twitter.

ვინ იყენებს Twitter-ს..

მიუხედავად იმისა რომ ტვიტერი 2006 წლის მარტში გაიხსნა, 2007 წლის შუა პერიოდისთვის უკვე არნახული პოპულარობა ხვდა წილად. მას შემდეგ უამრავი ადამიანი ლაპარაკობს Twitter-ის შესახებ, მათი უმრავლესობა უკვე Twitter-ის მომხმარებელი გახდა, დაწყებული კოლეჯის სტუდენტებიდან დათავრებული ყველაზე ცნობადი ფიგურებით და პრეზიდენტებით.. ( Barack Obama , Britney Spears , Lady Gaga , Justin Timberlake , Shakira , Cristiano Ronaldo , Ronaldinho ). ყველა ცნობილი ადამიანის ტვიტერი მოცემულია ვებგვერდზე http://twitaholic.com/

ზოგჯერ Twitter-ი არ ეკუთვნის მხოლოდ ერთ პიროვნებას, არამედ ის შეიძლება წარმოადგენდეს მთელ ორგანიზაციას, კომპანიას, საინიციატივო ჯგუფს ან სხვ.

Reuters, Wall Street Journal, Dell და უამრავი ცნობილი ორგანიზაცია/კომპანია აქტიურად იყენებს Twitter-ს თავიანთ მომხმარებლებთან საურთიერთოდ..

ერთერთი კარგი თვისება რაც Twitter-ს გააჩნია არის ის რომ შეგიძლიათ პირველმა გაიგოთ ინფორმაცია პირდაპირი წყაროდან სანამ ის მედიაში გავრცელდება და “ტელევიზორში გამოაცხადებენ” : ) ასე გაიგო ჩემმა მეგობარმა Sweety-მ ჯექსონის სიკვდილის შესახებ თავად Twitter-იდან…

მაინც ვერ გავიგე რა არის Twitter-ი..

არაუშავს, რადგან თავად ავტორებმაც ვერ გაიგეს მისი დანიშნულება ბოლომდე : ) მაგრამ ფაქტი ერთია, Twitter-ი არის უნივერსალური სერვისი რომელიც ნებისმიერ საქმიანობას შეიძლება მოარგო..

მე მაინც ვეცდები მაგალითებიდან მიგახვედროთ მისი დანიშნულებებიდან ერთერთი მაინც..

მაგ #1 – Yahoo Messenger

თუ თქვენ Yahoo Messenger-ის აქტიური მომხმარებელი ხართ ისიც გეცოდინებათ როგორ გაგზავნოთ Yahoo-ში All-ი (ვინც არ იცის, All-ის გაგზავნა გულისხმობს თქვენს კონტაქტების სიაში არსებული ყველა მომხმარებლისთვის ერთდროულად რაიმე შეტყობინების გაგზავნას)

Twitter-ში დატვიტვა იგივეა რაც Yahoo-ში All-ის გაგზავნა, რადგან თქვენი დატვიტული შეტყობინება მისდის ყველა თქვენს მომყოლს (Follower-ს) რომელიც თქვენი Twitter-ის კონტაქტების სიაშია შეყვანილი…

მაგ #2 – სამსახური

წარმოიდგინეთ რომ თქვენ ერთერთი კომპანიის რიგითი თანამშრომელი ხართ (შეიძლება ასეცაა). უეცრად თქვენმა უფროსმა თქვენს ზემდგომი თანამდებობის პირებს დაუნიშნა დახურული თათბირი. ამ დროს გაგიმართლათ და იქ შემსვლელთაგან ერთერთი თქვენი და თქვენი თანამშრომლების კარგი მეგობარია, მასაც თქვენსავით და თქვენი თანამშრომლებისავით აქვს Twitter-ი და პლიუს საკონფერენციო ოთახში ლეპტოპი უდგას ინტერნეტთან კავშირით..

თქვენ და თქვენს თანამშრომლებს ძალიან გაინტერესებთ რა ხდება შიგნით და რაზეა საუბარი… სწორედ ამ დროს რას შვრება თქვენი მეგობარი?!

დიახ დიახ.. შეხედეთ ეკრანს და დაინახავთ როგორ ტვიტავს თქვენი მეგობარი და გატყობინებთ თუ რაზეა საუბარი შიგნით..

@თქვენი_მეგობარი – “ხელფასების მომატებაზეა საუბარი… “

ეს ტვიტი ყველა იმ თანამშრომელმა წაიკითხა რომელიც თქვენი მეგობრის Twitter-ში კონტაქტების სიაში იყო შეყვანილი ან სულაც მის პროფილზე იყო შესული (გააჩნია როგორ კონფიგურაცია ექნება).

ყველას უხარია და ყველა მომღიმარი სახით ზის კომპიუტერთან, არავინ იმჩნევს თუმცა Twitter-ის საშუალებით უკვე გაიგეს რომ მალე უფრო დიდი ხელფასი ექნებათ : )

მაგ #3 – უნივერსიტეტი

დღეს თქვენმა ლექტორმა რაღაც რთული საკითხი ახსნა.. ფაქტობრივად ვერაფერი გაიგეთ მაგრამ ლექტორი დაგპირდათ მთელ აუდიტორიას რომ დამატებით მასალებს ერთ არქივად მოგაწვდით კომპიუტერის საშუალებით..

წარმოიდგინეთ მას მოუწევს ყველა თქვენგანისთვის ელექტრონული ფოსტის მისამართის გამორთმევა, შემდეგ მათი ჩამოწერა და ბოლოს ერთ სრულ დაგზავნაში არქივის გავრცელება…

არ ჯობს თქვენი ლექტორი დამატებული გყავდეთ Twitter-ში, რომელიც ატვირთავს ამ არქივს ინტერნეტში და დატვიტავს..

არქივის მისამართს ყველა თქვენი თანაკურსელი დაინახავს : )

Twitter-ის უცნაურობები..

კიდევ აურაცხელი მაგალითის მოყვანა შეიძლება Twitter-ის გამოყენებასთან დაკავშირებით.. შეიძლება ტვიტერი მიამაგროთ თქვენს სიგნალიზაციის სისტემას და ყოველი განგაშისას Twitter-ში დაიგზავნოს შეტყობინება რომ სიგნალიზაცია ჩაირთო “SOS”, შეიძლება კომპიუტერი კარებს მიაერთოთ და ყოველი გაღება – დაკეტვისას Twitter-ში გაგიგზავნოს შეტყობინება “სახლიდან გავედი.. “, “მოვედი.. “. როგორც ერთმა მეგობარმა მაგალითი მომიყვანა, შეიძლება ბებომ თავის კატას კისერზე მიაბას მოწყობილობა რომელიც ყოველ დაკნავლებაზე დატვიტავს და ა.შ. : )))

მაგ #1 – მცენარეების მორწყვა

თქვენ ხედავთ მოწყობილობას რომელიც მცენარის მორწყვისას Twitter-ზე ტვიტავს: “მადლობა მორწყვისთვის!” : ))

მაგ #2 – რა ცხვება ამ წუთას? : )

აი მოწყობილობა რომელიც ტვიტავს თუ რა ცხვება ამ წუთას ღუმელში : )

BakerTweet from POKE on Vimeo.

მაგ #3 – ტვიტერის ჩიტიანი (უფრო გუგულიანი) საათი

საათი უკაბელოდ უერთდება ინტერნეტს და ყოველ ახალ შემოსულ ტვიტს გუგული გამცნობთ..

ქვევით არის დამონტაჟებული თაჩ-სქრინი სადაც თავად შემოსული ტვიტის წაკითხვა შეგიძლიათ..

Twitwee Clock from Haroon Baig on Vimeo.

ყველა სხვა მაგალითი შეგიძლიათ ნახოთ აქ: http://tweethacking.com/category/twitter-hacks/

მომეწონა Twitter-ი, რითი დავიწყო?

რათქმაუნდა რეგისტრაციით

შეავსეთ ყველა შესაბამისი ველი და დააწექით ნაჩვენებ ღილაკს..

დარეგისტრირების შემდეგ შედით თქვენს განყოფილებაში

კონფიგურირება

პროფილის სურათის დასაყენებლად ზედა მენიუში მონახეთ Settings ხოლო გამოსულ გვერდზე Profile. შემდეგ დააწექით Change Picture-ს და აირჩიეთ ახალი სურათი.

თქვენი Twitter-ის გვერდის დიზაინის შესაცვლელად შედით Design განყოფილებაში..

აქ შეგიძლიათ აირჩიოთ მზა დიზაინი, ატვირთოთ სურათი ფონად ან უბრალოდ ერთი ფერი გამოიყენოთ ფონად..

მეგობრების დამატება

ისევ ზედა მენიუში მონახეთ ღილაკი Find People და გამოსულ გვერდზე ნახეთ Find Friends..

აქ თქვენ შეგიძლიათ თქვენი Gmail, Yahoo ან AOL ექაუნთის კონტაქტების სიაში მყოფი ადამიანები ტვიტერზეც დაიმატოთ..

თუკი მეგობრების სახელით და გვარით მოძებნა გსურთ, გადადით გვერდზე [Find On Twitter]

მას შემდეგ რაც ყველა მეგობარს დაიმატებთ გადადით Home გვერდზე და მიესალმეთ თქვენს მეგობრებს თქვენი პირველი ტვიტით!

დამატებითი ინფორმაციისთვის შეგიძლიათ გადაათვალიეროთ Twitter-ის დახმარების გვერდი

როგორ დავტვიტო როცა ინტერნეტი არ მაქვს?

მომავალში ძალიან ხშირად გექნებათ შემთხვევა როდესაც რაიმე საინტერესოს წააწყდებით სადმე, თუნდაც ქუჩაში და ძალიან მოგინდებათ რომ იმ წუთასვე ტვიტერზე დატვიტოთ ამის შესახებ..

გახსოვთ თქვენს თანამშრომელზე რომ გელაპარაკებოდით? წარმოიდგინეთ მას რომ ლეპტოპი და ინტერნეტი არ ჰქონოდა თათბირის დროს, როგორ შეგატყობინებდათ რომ იქ ხელფასების მომატებაზე იყო საუბარი?

ალბათ იფიქრეთ რომ SMS-ს გამომიგზავნიდათ ყველას.. რაოდენ გასაკვირიც არ უნდა იყოს, მართალი ბრძანდებით.. ოღონდ თითქმის მართალი!

მოკლედ სანამ მე და თქვენ ამ პრობლემის გადაწყვეტაზე ვფიქრობდით ქართულმა IT კომპანიამ Singular-მა შექმნა სპეციალური სერვისი რომელსაც Tweet.ge დაარქვა.

Tweet.ge –ზე თქვენი მობილური ტელეფონის რეგისტრირების შემდეგ შეგიძლიათ ნებისმიერ დროს გააგზავნოთ SMS-ი ნომერზე 897 89 89 89 და თქვენი შეტყობინება უმალვე გამოჩნდება თქვენს ტვიტერის ექაუნთზე : )

ხომ მმაგარია? მიხვდით ხო თქვენი თანამშრომელი რას იზამდა?..

დიახ, დიახ.. Tweet.ge-ზე გაგზავნიდა SMS-სს რის შემდეგაც თვქენს ტვიტერებში ამოხტებოდა ახალი შეტყობინება..

როგორ დავრეგისტრირდე Tweet.ge-ზე?

შედით Tweet.ge-ზე და მარჯვენა კუთხეში მოცემულ ველში შეიყვანეთ თქვენი მობილური ტელეფონის ნომერი..

მონიშნეთ აღნიშვნა “ვეთანხმები წესებს და პირობებს” და ამის შემდეგ დააწექით ღილაკს… თქვენთვითონაც მიხვდებოდით უკვე..

გადამისამართდებით ტვიტერის გვერდზე და თუკი უკვე შესული ხართ მიიღებთ ესეთ სურათს:

აქ უნდა დააწვეთ ღილაკს [Allow] , ამით თქვენ მისცემთ სისტემას უფლებას რომ თქვენი მობილური ტელეფონიდან გაგზავნილი SMS-ი ნომერზე 897 89 89 89 გამოჩდეს თქვენი ტვიტერის ექაუნთზე…

დამატებითი ინფორმაცია და ფუნქციები იხილეთ თავად საიტზე Tweet.ge (Twitter-ის გვერდი: Twitter.com/theTWEETge , Facebook-ის გვერდი Facebook.com/tweet.ge )

რაც მთავარია არ დაგავიწყდეთ გაუგზავნოთ ამ სტატიის ბმული ( http://bit.ly/8YAp6V ) თქვენს მეგობრებსაც და ურჩიოთ Twitter-ის გამოყენება.. ეს იმიტომ რომ თქვენი ჭიკჭიკი რაც შეიძლება მეტმა ადამიანმა გაიგონოს!

P.S. ამით არ ამოწურულა Twitter-ის შესაძლებლობები.

დროთა განმავლობაში თავად უპოვით მას დანიშნულებას..

ვისაც უკვე ახალი ტვიტერი გაქვთ შეგიძლიათ დამამატოთ:

@Devistweet

თუ ეს სტატია მოგეწონათ,

გთხოვთ დააწვეთ ქვემოთ მომღიმარ სმაილს : )

გმადლობ!

შემთხვევითი პოსტები

iPhone 4.0 და ანტენის პრობლემები

DEVI — Mon, 19 Jul 2010 22:46:08 +0000

გააჩნია როგორ გიჭირავს!

რამდენიმე დღის წინ Apple-ს CEO-მ, სტივ ჯობსმა დიდი გამბედაობით გადააბიჯა სცენაზე რომ ეპასუხა უამრავი “ჩამწველი” კითხვისათვის რომელიც iPhone 4.0 -ის და მისი ანტენის გარშემო ტრიალებდა.. მედია გადაჭედილი იყო ჭრელი სათაურებით სადაც მხოლოდ სიტყვა “ანტენა” დომინირებდა..

მოკლედ მოდით მივყვეთ ქრონოლოგიას:

24 ივნისი: Apple-მა გამოუშვა iPhone 4

iPhone 4 უკვე გაყიდვაშია და ფიქსირდება აურაცხელი რაოდენობა წინასწარი შეკვეთებისა.

მაგრამ სულ ცოტახანში Gizmodo-ს ვიდეოებში და სხვადასხვა ფორუმებზე ჩნდება ცნობები რომ როდესაც მოწყობილობა გიჭირავთ გარკვეულ მდგომარეობაში, ანტენა კარგავს დაჭერადობას და სიგნალი ითიშება.

როდესაც ეს ცნობები სტივ ჯობსამდეც აღწევს, ის უბრალოდ პასუხობს: ” სჯობს არ დაიჭიროთ iPhone 4 იმ მდგომარეობაში რომელშიც ის სიგნალს კარგავს”;

25 ივნისი: Software Fix-ი გადაარჩენს სამყაროს!

AppleInsider მომხმარებლებს ატყობინებს რომ, გამოსწორებულია შეცდომა iOS 4.0.1-ში რომელიც მოაგვარებს ანტენის პრობლემას!

28 ივნისი : Apple ყიდის 1.7 მილიონ iPhone 4-ს!

Apple აქვეყნებს ცნობას რომ 3 დღეში უკვე გაყიდულია iPhone 4-ის 1.7 მილიონზე მეტი ეგზემპლარი, რაც პროდუქტის არნახულ წარმატებაზე მიუთითებს…

ამ დროს ძია Nokia, iPhone 4-ს მაზოლზე წიხლს აჭერს მისი კორპორატიული ბლოგის საშუალებით.

30 ივნისი: Motorola Droid X გაეშვა…

Motorola და Verizon დასცინიან iPhone 4-ის ანტენურ პრობლემებს, და იმის იმედით რომ გაყიდვებს გაზრდიან უშვებენ მთელ გვერდიან რეკლამას New York Times-ში სადაც ამბობენ, რომ ” Droid X-ის ანტენა არის ისეთი რამ რაც საშუალებას გაძლევს დაიჭირო ტელეფონია როგორც გაგიხარდება და ამავდროულად აწარმოო კრისტალურად სუფთა ზარები! ”

2 ივლისი: წერილი iPhone 4-ის მომხმარებლებს

Apple აქვეყნებს ოფიციალურ წერილს სადაც ამბობს რომ რამოდენიმე კვირაში გამოუშვებს პროგრამულ განახლებას რომელიც გამოასწორებს ეკრანზე არსებულ დაჭერადობის ინდიკატორს.

12 ივლისი: Consumer Reports-სი iPhone 4-ს ანადგურებს..

Consumer Reports -ი აცხადებს რომ არ შეუძლია რეკომენდაცია გაუწიოს iPhone 4-ს მისი ანტენის პრობლემების გამო..

15 ივლისი: იმ დღემდე..

New York-ის სენატორი Charles Schumer-ი წერს წერილს Steve Jobs-ს ამ ყველაფერზე პასუხის მოთხოვნით, და Bloomberg აცხადებს რომ Apple გაფრთხილებულ იქნა ამ საკითხებთან დაკავშირებით (Apple უარყოფს ამას).

iOS 4.0.1 გამოვიდა, მართალია გამოსწორდა ეკრანზე მაჩვენებელი “ხაზები” მაგრამ ამით საერთო ეპიდემიას არ ეშველა.

16 ივლისი: დღე იგი..

Steve Jobs-ი სიტყვით გამოდის და აცხადებს რომ Apple-მა უკვე გაყიდა 3 მილიონი iPhone 4s.

ქვემოთ მოცემულია ის ძირითადი აზრები რაც ჯობსმა გამოთქვა თავის სიტყვაში (იხილეთ სრული გამოსვლა აქ):

ანტენის პრობლემა ჩვეულებრივია სხვა სმარტფონებშიაც (დემონსტირებული იქნა - Droid Eris, Samsung Omnia 2 და BlackBerry Bold).
iPhone 4 წყვეტს 1000 დან 4-ზე ნაკლებ ზარს (მეტს ვიდრე 3GS).
0.55% iPhone 4-ის მომხმარებლებისა რეკავენ AppleCare-ში ანტენის პრობლემაზე წუწუნით. c
ანტენის შემუშავებისა და ტესტირებების ჩვენება.
iPhone 4 -ს დაბრუნებები აღწევს 1.7 პროცენტს; iPhone 3GS -ის 6 პროცენტს.
ყველა iPhone 4 კლიენტისთვის ახალი პანელი უფასო იქნება(30 სექტემბრამდე).
თეთრი iPhone 4 გამოჩნდება ივლისის ბოლოს…

ასე და ამგვარად, თავად გადაწყვიტეთ გაუწევთ თუ არა რეკომენდაციას ახალ iPhone 4-ს საკუთარ თავთან : )

შემთხვევითი პოსტები

სამყაროს ახალშობილი – iPhone 4.0 !

DEVI — Mon, 14 Jun 2010 18:53:52 +0000

მაშ ასე, აღსრულდა! ის, რასაც ამდენი ხანი ველოდით, მოხდა — ჯობსი გამოვიდა სცენაზე და გვიჩვენა, თუ რაზე მუშაობდა მისი გუნდი 18 თვის განმავლობაში მუხლჩაუხრელად. მათ შრომას საბოლოოდ iPhone 4-ი დაერქვა.

სიმართლისათვის უნდა ითქვას, რომ გუშინდელ ღონისძიებაზე ნაჩვენები სიახლეები სხვადსხვა საიტებზე პროგნოზების სახით ადრეც გავრცელდა (კორპუსის ახალი ფორმა, ეკრანის ახალი გრჩევადობა და ა.შ.), ამიტომაც მოდით ახლა ვისაუბროთ იმაზე, რაც ჯერ არსად დაწერილა და არც არსად თქმულა და რაც სრული მოულოდნელობა იყო ყველასათვის.

სტივმა პრაქტიკულად დააიგნორა ყველა სხვა სიახლე (საფარი 5-იც კი არ აჩვენეს, უბრალოდ დადეს საიტზე სიახლის სახით) და მხოლოდ iPhone 4-ზე, iPhone OS 4.0-ზე და iAds-ზე ისაუბრა.
თავიდან როგორც ყოველთვის, ასეთი ტიპის პრეზენტაციას ჯობსი იწყებს სტატისტიკით, რომელიც მართლაც დიდი ძალაა. ეს 225 ათასი აპლიკაციაო, ეს 1 მილიარდი დოლარი დეველოპერებზე გადახდილიო, იქეთ კიდევ 5 მილიარდი ჩამოტვირთული აპლიკაციაო და ა.შ. და ა.შ. — ეს კეთდება რათქმაუნდა პლათფორმის უკეთ წარმოჩინებისათვის კონკურენტებთან შედარებით.

შემდეგ აჩვენეს განახლებული iBooks-ი, რომელიც ახლა უკვე იგებს PDF ფორმატს პლუს დაამატეს ნოუთების შენახვის ფუქნცია და გააუმჯობესეს ჩანართებთან მუშაობა. ამის მერე აჩვენეს აპლიკაცია Netflix-ი, რომელსაც ლამაზად შეუძლია ვიდეოს სტრიმინგი, Guitar Hero — გიტარაზე დაკვრის მოყვარულტათვის, ასევე საოფისე პლანქტონის საყვარელი თამაში — Farmville.

გადავდივართ უფრო მძიმე სიახლეებზე — ჯერ დაანონსეს ოპერაციული სისტემის რებრენდინგი და iPhone OS-ის ნაცვლად მას ერქმევა iOS-ი. მართალია ასეთი დასახელები ოს-ი არსებობს და მას Cisco უშვებს, მაგრამ როგორც გავიგე, ეფლმა და ცისკომ უკვე მიაღწიეს შეთანხმებას და ცისკო ნებას რთავს ეფლს გამოიყენოს ეს სახელი. სხვათაშორის, სავაჭრო ნიშანი iPhone ასევე ცსიკოს ეკუთვნოდა თავის დროზე და ეფლმა მისგან ის შეიძინა. მაგრამ ამაზე სხვა დროს ვისაუბროთ.

და აი ბოლოს როგრც იქნა დადგა iPhone 4-ის დროც. ის მართლაც ძალიან ჰგავს იმ პროტოტიპს, რომელმაც ხან სად ამოყო თავი და ხან სად. გასაოცარი გახლავთ მისი მონაცემები:

ძალიან თხელი კორპუსი (სულ 9.3 მმ)

ლითონის ჩარჩო უჟანგავი ფოლადისაგან, რომელიც ამავდროულად ტელეფონის კარკასიცაა და ანტენაც
შუშის პანელები როგორც წინიდან, ასევე უკანა მხრიდან (არ იფხაჭნებაო, ასე თქვეს)

40%-ით გაუმჯობესებული აკუმულატორი (10 საათი ვებ-ბრაუზინგი WiFi-თ ან ვიდეო ყურება, 7 საათი საუბარი და 300 საათი მოლოდინის რეჟიმში)
პროცესორი A4, იგივე რაც აიპადს აქვს 1 გჰც სიხშირით

ჩადგმული ჰიროსკოპი ტელეფონის მდებარეობის უფრო ზუსტი ჩვენებისათვის სივრცეში
micro-sim ფაქტორის მხარდაჭერა (გაუგებარია რა საჭირო იყო ველოსიპედის გამოგონება)

ეკრანზე უმჯობესია ცალკე ვისაუბროთ — IPS-მატრიცა 960×640 გარჩევადობით, ანუ კვადრატულ დუიმზე 326 წერტილით — ახალი ტექნოლგია Retina, უზრუნველყოფს იმაზე მეტ გარჩევადობას, ვიდრე ამის აღქმა შეუძლია თვალს. ამის გამო, ჯობსის განცხადებით მიიღწევა გამოსახულების არაჩვეულებრივი ხარისხი, ხოლო კონტრასტულობა 800:1 ასევე ამატებს ხარისხს.

ამის გარდა ახალ iPhone-ს გაუუმჯობედა კამერა, რომელიც იღებს 5 მეგაპიქსელით. საკმაოდ კარგი სენსორია გამოყენებული ასე რომ ფოტო ძალიან კარგი ხარისხის გამოვა…

წყარო: blog.gogelia.ge
ავტორი: დელფი

შემთხვევითი პოსტები

QR კოდი და მისი ჯადოსნური ძალა..

DEVI — Fri, 11 Jun 2010 17:48:05 +0000

უკვე არაერთ სავიზიტო ბარათს, ჭიქას, მაიკას და კიდევ რას აღარ ამშვენებს კოდი რომელიც იაპონიის წვრილთვალება თანამემამულეებმა 1994 წელს, კორპორაცია Denso-Wave-ის ხელმძღვანელობით შექმნეს.

რა არის QR კოდი?

QR კოდი – იგივე Quick Response კოდი სახელიდან გამომდინარე არის სწრაფად აღქმადი კოდის სტანდარტი. ჩვეულებრივი კამერისა და სპეციალური პროგრამული უზრუნველყოფის საშუალებით შესაძლებელია QR კოდს გადაუღოთ სურათი და უმალვე კოდში დაშიფრული ინფორმაცია თქვენს მოწყობილობაში გადავა.

ასეთი ფუნქცია ძირითადად მობილურ ტელეფონებს გააჩნია და სწორედ ყველაზე მეტად იმ მისიით გამოიყენება რაც სტატიის დასაწყისში ვახსენე. თქვენ დაიტანთ თქვენს QR კოდს თქვენსავე სავიზიტო ბარათზე, ხოლო სხვა რომელსაც სურს რომ თქვენს შესახებ ინფორმაცია მობილურ ტელეფონში ჰქონდეს, უბრალოდ გადაუღებს სურათს ამ კოდს და სპეციალური პროგრამის საშუალებით რამდენიმე წამში სრულ დაშიფრულ ინფორმაციას შეიტანს თქვენს შესახებ.

რისი დაშიფვრა შეგვიძლია?

თითქმის ყველაფრის, მთავარია ინფორმაციის საერთო ზომა არ აჭარბებდეს მაქსიმუმ 7,089 ციფრს, ან 4,296 ასოს/სიმბოლოს ანდაც საერთო ზომით არ უნდა აღემატებოდეს 2,953 ბაიტს.

შეგიძლიათ დაშიფროთ SMS-ი, ტელეფონის ნომერი, მისამართი, ფაქსი, ელ. ფოსტა, ვებ მისამართი და ა.შ.

როგორ დავაყენოთ QR კოდის წამკითხველი?

არსებობს ბევრი პროგრამა რომელიც შეგიძლიათ ჩაწეროთ თქვენს მობილურ ტელეფონში და შემდგომ მისი საშუალებით ამოიკითხოთ QR კოდი.

ერთერთი ცნობილი პროგრამაა i-nigma Reader. მისი გადმოწერა შეგიძლიათ პირდაპირ მობილური ტელეფონიდან საიტზე http://www.i-nigma.mobi.

საიტი ავტომატურად ადეტექტირებს თქვენი მობილური ტელეფონის თავსებადობას ამ პროგრამასთან.

შეგიძლიათ წინასწარაც გადაამოწმოთ თუ რომელ მობილურ ტელეფონებზე მუშაობს QR კოდის წამკითხველი, ამისათვის მიყევით ამ ბმულს.

როგორ დავაგენერიროთ QR კოდი?

თუ გადაწყვიტეთ დაიტანოთ QR კოდი თქვენს სავიზიტო ბარათზე ან თუნდაც უბრალოდ კოდი გჭირდებათ შეგიძლიათ გამოიყენოთ საიტი http://zxing.appspot.com/generator/

შეავსეთ ყველა ველი და დააწექით ღილაკს [Generate].

მიღებული სურათი შეგიძლიათ გადაიტანოთ სავიზიტო ბარათზე ან გამოიყენოთ სურვილისამებრ..

* მაგალითად Сontents-ში Text , შემდეგ შეიყვანეთ თქვენი სახელი და მობილური ტელეფონი. ბოლოს კი მიუწერეთ “თავისუფალი ვარ!” და შემდეგ ღილაი [Generate].

საბოლოოდ დაგენერირებული სურათი წაიღეთ რომელიმე პოლიგრაფიულ ცენტრში და მაიკაზე დაახატინეთ..

დამიჯერეთ ერთს ისეთს მაინც გაიცნობთ ვინც იცის რა არის QR კოდი : )

შემთხვევითი პოსტები

Google Chrome-ის 15 დამატება თქვენი Facebook-ისათვის

DEVI — Sun, 30 May 2010 15:55:37 +0000

მას შემდეგ, რაც Google Chrome-ის აქტიური მომხმარებელი გავხდი, დავიწყე მისთვის გამოსადეგი და საინტერესო გაფართოებების/ედონების ძებნა. ძიებისას არაერთ ათეულ საინტერესო გაფართოებას წავაწყდი, რომელთა გამოყენებამ ინტერნეტში ძრომიალი უფრო საინტერესო გამიხადა.

მინდა ეს გაფართოებები თქვენც გაგიზიაროთ, რათა ჩემსავით შვება იგრძნოთ. დღეს კონკრეტულ თემას, ფეისბუქს შევეხები და მისთვის გამოსადეგი ედონების სიას ჩამოგითვლით, თან ვეცდები თითეული მათგანის ფუნქცია აგიხსნათ.

1. Beautify Facebook

Beautify Facebook

ეს ჩემი ერთ-ერთი უსაყვარლესი გაფართოებაა, მას შემდეგ რაც ფეისბუქმა სახე იცვალა, რის შემდეგაც რთული გახდა ინფორმაციის მიღება ახალი შეტყობინებების და სხვა ქმედებების (activities) შესახებ.

ამ ედონის საშუალებით თქვენი ფეისბუქის გვერდი ისეთივე გახდება, როგორც ზემოთა ფოტოზე; დაემატება ახალი სმაილები ჩატში, ფეისბუქის title ტეგში, favicon-ის გვერდით დაეწერება ახალი შეტყობინებების/ქმედებების რაოდენობა და სხვ.

სხვების თუ არა, ამ გაფართოების დაყენებას ყველას გირჩევთ : )

გაფართოების დაყენება – Beautify Facebook

2. Facebook for Google Chrome

Facebook for Google Chrome

ესეც ერთობ საინტერესო გაფართოებაა მათთვის, ვინც ფეისბუქს აქტიურად მოიხმარს. ამ ედონის დაყენების შემდეგ თქვენ აღარ დაგჭირდებათ უშუალოდ ფეისბუქის მთავარ გვერდზე სიახლეების სანახავად და სტატუსების გასანახლებლად. ყველაფერის გაკეთება ერთ მარტივ, პატარა ფანჯარაში იქნება შესაძლებელი.

გაფართოების დაყენება – Facebook for Google Chrome

3. Facebook Photo Zoom

Facebook Photo Zoom

იმისათვის, რომ ფეისბუქში არსებული ფოტოები უფრო დიდ გაფართოებაში გვენახა, ამისთვის საჭირო იყო უშუალოდ მასზე დაჭერა, რის შემდეგაც გადავიდოდით ამ სურათის ცალკეულ გვერდზე. ეს დამეთანხმებით ნაკლებად სასიამოვნო პროცესია, განსაკუთრებით მათთვის, ვისაც ინტერნეტის სიჩქარე დაბალი აქვს.

ამ ედონის გამოყენების შემდეგ კი ეს ყველაფერი საჭირო აღარ იქნება. თქვენ უბრალოდ შეგიძლიათ სასურველ სურათს გადაატაროთ მაუსის კურსორი და იგი მისი მაქსიმალური ზომის შესაბამისი გახდება, როგორც ეს ზევითა სურათზეა ნაჩვენები.

გაფართოების დაყენება – Facebook Photo Zoom

4. Facebook Fixer

Facebook Fixer

სახეშეცვლილი ფეისბუქით უკმაყოფილო მომხმარებლებისათვის ესეც საინტერესო გაფართოებაა, რომელიც საშუალებას მოგცემთ სხვადასხვა პარამეტრების მართვას; ვიდეოების გადმოწერა, მარჯვენა საიდბარში დღევანდელი იუბილარების გამოქება და სხვ.

გაფართოების დაყენება – Facebook Fixer

5. Facebook Styler

Facebook Styler

როგორც ხედავთ ფეისბუქის თქვენს გემოზე მოსაყვანად არაერთი გაფართოება არსებობს. ესეც სწორედ მათ სიას მიეკუთვნება, რომლის საშუალებითაც შეგიძლიათ მარჯვენა და მარცხენა საიდბარების გადაადგილება, კუთხეების მომრგვალება და სხვ.

გაფართოების დაყენება – Facebook Styler

6. Facebook Chat Emoticons

Facebook Chat Emoticons

მემგონი ბევრ ახსნას არ საჭიროებს, რომ ეს გაფართოება ფეისბუქის ჩატში სმაილებს ამატებს, ხომ ? : )

გაფართოების დაყენება – Facebook Chat Emoticons

7. Facebook Simple Notes

Facebook Simple Notes

ეს კიდევ ერთი გაფართოებაა, რომლის დაყენებასაც გირჩევთ. მისი მეშვეობით ყველა სახის ქმედება, რომელსაც შეგატყობინებთ ფეისბუქი notification-ების საშუალებით, დაჯგუფდება. ანუ, თუ მაგალითად, გაქვთ 14 ახალი შეტყობინება, და აქედან 10 არის ერთ სტატუსზე დაკომენტებული, ხოლო დანარჩენი 4 სხვადასხვა ბმულებზე თუ სტატუსებზე, ის 10 ერთად იქნება ასეთ მომრგვალებულ ჩარჩოში ჩასმული, ხოლო დანარჩენი 4 ცალ-ცალკე. ამით თქვენ დროს საგრძნობლად მოიგებთ.

გაფართოების დაყენება – Facebook Simple Notes

8. Facebook Rounder

Facebook Rounder

დღეს უკვე ვებ-დიზაინში ბლოკებზე მომრგვალებული კუთხეების გამოყენება ძალიან გახშირდა. ამ გაფართოების წყალობით ფეისბუქზეც არსებული ბლოკები მომრგვალებულ კუთხეებს მიიღებს. ეს საკმაოდ სასიამოვნო შესახედია, თუმცა თუ თქვენ პირველ ედონს გამოიყენებთ (Beautify Facebook), მაშინ ამ ორი გაფართოების შერწყმა სრულიად დაგიკარგავთ ფეისბუქზე ხელმეორედ შესვლის სურვილს.

გაფართოების დაყენება – Facebook Rounder

9. Friends Mural for Facebook

Friends Mural for Facebook

ერთი შეხედვით საკმაოდ ორიგინალური და საინტერესო გაფართოებაა, რომელიც გაძლებთ საშუალებას აირჩიოთ თქვენი სურვილით მეგობრების რაოდენობა და მხოლოდ მათ შესახებ შეიტყვოთ ინფორმაცია: სტატუსების განახლება, ლინკების გაზაირება და სხვ.

ამის მეშვეობით ფეისბუქის მთავარ გვერდზე შესვლა აღარ დაგჭირდებათ, ყველაფერის მართვა ბრაუზერის სპეციალური ფანჯრიდან შეგეძლებათ.

გაფართოების დაყენება – Friends Mural for Facebook

10. Facebook Notifier

Facebook Notifier

ძალიან კარგი, პატარა და მუშა გაფართოება, რომლის საშუალებითაც ფეისბუქზე შეუსვლელად შეგიძლიათ შეიტყვოთ ახალი ქმედებების შესახებ notification-ების საშუალებით.

გაფართოების დაყენება – Facebook Notifier

11. Facebook Cleaner

Facebook Cleaner

გაფართოება, რომელიც ფეისბუქს “ასუფთავებს” შემაწუხებელი რეკლამებისგან და suggestions ბლოკისგან.

გაფართოების დაყენება – Facebook Cleaner

12. Facebook Chat History Manager

Facebook Chat History Manager

თუ თქვენ აქტიურად იყენებთ ფეისბუქის ჩატს, მაშინ თქვენ ეს გაფართოება გამოგადგებათ, რომლის მეშვეობითაც ჩატის ისტორიის მართვა შეგეძლებათ.

გაფართოების დაყენება – Facebook Chat History Manager

13. Facebook Invite All

ძალიან გამოსადეგი გაფართოება მათთვის, ვინც ფეისბუქში აქტირუად ატარებს რაიმეს PR კამპანიას, ქნმის ივენთებს, ჯგუფებს, გვერდებს და მათ მოსაწვევს უგზავნის თავის მეგობრებს. მოსაწვევის გაგზავნის პროცესი ძალიან შემაწუხებელია და დიდი დრო მიაქვს. ამიტომაც ამ ედონის გამოყენებას გირჩევთ ყველას, ვინც ფეისბუქს მიზნობრივად მოიხმარს ხოლმე. მისი მეშვეობით ერთ ღილაკზე დაჭერით მოსაწვევი გაეგზავნება ყველა თქვენს მეგობარს.

ამ გაფართოების დაყენების შემდეგ დაემატება toggle all ღილაკი, სწორედ იქ, საიდანაც ხდება მეგობრებისთვის მოსაწვევის გაგზავნა.

გაფართოების დაყენება – Facebook Invite All

14. Facebook Poke All

Facebook Poke All

ძალიან საინტერესო გაფართოება მათთვის, ვინც ფეისბუქზე “ხულიგნობს” მისი გამოყენებით შეგეძლებათ ყველას ერთდროულად “უჯიკოთ” (ქართულ ვერსიაში poke თარგმნეს, როგორც “უჯიკე” )

გაფართოების დაყენება – Facebook Poke All

15. MyFacebook

MyFacebook

გაფართოება, რომლის საშუალებითაც თქვენ შეგეძლებათ თქვენს მეგობრებს შეუცვალოთ სახელი და ფერი.

გაფართოების დაყენება – MyFacebook

16. Facebook Share

და ბოლოს ერთ-ერთი უმნიშვნელოვანესი გაფართოება, რომლის საშულებითაც თქვენ შეგეძლებათ ერთ ღილაკზე დაჭერით, ინტერნეტში არსებული, თქვენთვის საინტერესო გვერდების გაზიარება.

გაფართოების დაყენება – Facebook Share

როგორ დავაყენო გაფართოებები?

How to Install Google Chrome Extensions? (გასადიდებლად დააჭირეთ სურათს)

როდესაც აირჩევთ თქვენთვის სასურველ გაფართოებას და გადახვალთ მის გვერდზე, უბრალოდ დააჭირეთ ამ ღილაკს, რომლის შემდეგაც კიდევ ერთხელ მოგიწევთ Install ღილაკზე მაუსის დაჭერა, დადასტურების მიზნით.

დღეისთვის სულ ეს იყო. შემდეგში მსგავს საინტერესო და საჭირო გაფართოებებს შემოგთავაზებთ ბლოგერებისთვის, დეველოპერებისთვის და უბრალოდ მათთვის, ვისაც ჩემსავით უყვარს ინტერნეტში ძრომიალი.

კომენტარის სახით კი გთხოვთ მაცნობოთ, გამოგადგათ თუ არა ესა თუ ის ედონი, ან ხომ არ თვლით, რომ რომელიმე მნიშვნელოვანი გაფართოება გამომრჩა? : ) ველი თქვენს გამოხმაურებებს : )

მადლობა პოსტის ავტორ Landish-ს ,

www.Landish.ge

შემთხვევითი პოსტები

Weekend Project

DEVI — Wed, 19 May 2010 21:03:05 +0000

Weekend Project – ეს არის ძალიან საინტერესო ვიდეოები რომელშიც აღწერილია თუ როგორ უნდა შევქმნათ ესა თუ ის თექნიკური ნაკეთობა საკუთარი ხელებით. დაწყებული რობოტებიდან დამთავრებული სხვადასხვა საინტერესო ქმნილებებით Weekend Project-ი თქვენს დასვენების დღეებს საინტერესოდ შეავსებს : )

წარმოგიდგენთ რამდენიმე ვიდეოს Weekend Project -იდან..

ყველა დანარჩენი ვიდეოს YouTube-ზე სანახავად დააჭირეთ აქ

შემთხვევითი პოსტები

როგორ ვწერთ გადმოქაჩულ თამაშს/პროგრამას დისკზე…

DEVI — Sat, 15 May 2010 21:02:52 +0000

რადგან უკვე არაერთხელ დამისვეს ეს კითხვა, დღეს სპეციალურ სტატიას შემოგთავაზებთ.

არის სიტუაცია როდესაც ინტერნეტში წააწყდებით თქვენს საყვარელ თამაშს, ან სულაც სრულ პროგრამას. შეიძლება ეს იყოს ოპერაციული სისტემაც.. მაგალითად გადმოვწერეთ Windows 7.

გადმოვწერეთ მაგრამ ის ერთი უცნაური ფაილია რომელიც არაფრით არ იხსნება და სინამდვილეში კი კაი გვარიანად 3-4 გბ-ს იწონის. რა ჭირად გადმოვწერეთ ნეტა? ან საერთოდ რა უნდა ვუყოთ ამ ფაილს?

საქმე იმაშია რომ ფაილი რომელზედაც ეხლა ვსაუბრობთ სინამდვილეში არის დისკის იმიჯი. ანუ ჩვენს ენაზე ეს არის ზუსტი ასლი Windows 7-ს დისკისა რომელიც შენახულია ერთ ფაილად. ასეთი ფაილებია ძირითადად ISO, BIN და კიდევ რამდენიმე ფორმატის ფაილები..

ამ ფაილში წერია ზუსტად რომელი ინფორმაცია, დისკის რომელს სექტორში უნდა ჩაიწეროს, იმისათვის რომ დისკი სწორად ჩაიტვირთოს. ჩვენ თუ ამ ფაილის შიგთავსს ისე უაზროდ, ჩვენს გემოზე ჩავძეძგავდით დისკზე, სამწუხაროდ საინსტალაციო დისკის მაგივრად “ციფრულ დომხალიზაციას” მივიღებდით…

პირველი ნაბიჯები

მოკლედ ასეა თუ ისეა, საბოლოოდ ამ ფაილების მოსავლელად არსებობს სპეციალური პროგრამები რომელთაგანაც ერთერთს ყველა თქვენგანი იცნობს. მისი სახელია Nero, მაგრამ მე დღეს ამ პროგრამას არ გამოვიყენებ რადგან:

1. ჯობს ალტერნატივაც იცოდეთ.

2. პროგრამა რომელსაც მე გამოვიყენებ გაცილებით მსუბუქი და ადვილად სამართავია.

მოკლედ ყველანი ვქაჩავთ პროგრამას Ultra ISO (30 დღიანი საცდელი ლიცენზიით) და ვაყენებთ ძალიან მარტივად.

ჩაწერა

პირველ რიგში იმისდა მიხედვით თუ რა ტიპის და ზომისაა თქვენს მიერ გადმოწერილი იმიჯი, მოამზადეთ შესაბამისი დისკი. ანუ 600-700 მბ CD და 4.6 გბ-მდე DVD.

ჩადეთ ცარიელი დისკი თქვენს CD/DVD Writer-ში.

ამის შემდეგ მივდივართ ჩვენს ფაილთან და ვხსნით ჩვენს მიერ დაყენებული პროგრამით.

გამოვა ესეთი ფანჯარა:

სადაც ვაწვებით სურათზე წითლად მონიშნულ ღილაკს.

ამის შემდეგ გამოსულ ფანჯარაში კი ვამოწმებთ Recorder ველში ნამდვილად სწორადაა თუ არა მონიშნული ჩამწერი მოწყობილობა.

თუ ყველაფერი კარგადაა ვემზადებით და 3 თვლაზე ვაჭერთ Burn-ს!

(რომელიღაც ენერგეტიკულ სასმელს მახსენებს )

იწყება მაქსმიმალური სისწრაფით ჩაწერა რაც მალევე დასრულდება.

საფინალოდ თქვენს გადახურებულ CD/DVD-ს ცოტახნით მაცივარში ანთავსებთ გაგრილებისთვის (აუცილებელიც არაა)

და აქ მთავრდება ყველაფერი.. თქვენი დისკი მზადაა.

დამატებითი კითხვები (ღრმად ამ საკითხის შესახებ) დასვით ფორუმზე შესაბამის განყოფილებაში.

ველი თქვენს კომენტარებს,

პატივისცემით DEVI

შემთხვევითი პოსტები

ვბლოკავთ ვებ-საიტებს Google Chrome-ში..

DEVI — Tue, 11 May 2010 19:28:05 +0000

ჩვენმა ერთერთმა მკითხველმა მოგვწერა კითხვა თუ როგორ დავბლოკოთ ვებ-საიტები Google Chrome-ში..

როგორც აღმოჩნდა ძველი მეთოდის გამოყენებით, ანუ Hosts ფაილის რედაქტირებით ძია ქრომს რეაქცია არ აქვს. მიზეზების ძებნა არც დამიწყია, უმალვე ალტერნატივა მის დამატებებში ვიპოვე..

BlockIt – ეს არის სპეციალური დამატება Google Chrome-სთვის..

BlockIt-ი გეხმარებათ დაბლოკოთ არასასურველი ვებ-საიტის გახსნა თქვენს ბროუზერში.

მისი ჩამოტვირთვა/დაყენება შეგიძლიათ აქედან

მას შემდეგ რაც დააყენებთ, შედიხართ მარჯვენა ზედა კუთხეში “ქანჩი” (რუსულად “კლუჩი”) სადაც ახატია და ხსნით Extentions-ს.

დამატებების სიაში დაინახავთ ზემოთ ნაჩვენებ ლოგოს წარწერით BlockIt.

დააჭირეთ მის არეში მყოფ ლინკს Options და შემდეგ პირდაპირ login-ს.

გამოვა ესეთი გვერდი:

პირველ ველში შეგვყავს ის ვებსაიტების სია რომელიც გვინდა რომ დაიბლოკოს. მას შემდეგ რაც დავასრულებთ სიის შედგენას, ვაწვებით ღილაკს Block All.

თუ მაგალითად ერთი საიტის “odnoklasniki.ru”-ს დაბლოკვა გინდათ მაშინ ჩაწერეთ ის ზედა ველში და დააწექით მხოლოდ Block-ს. ცვლილება ავტომატურად ინახება..

მეორე ველში შეგვიძლია ჩავწეროთ ტექსტი რომელიც გამოჩნდება დაბლოკილი საიტის გახსნისას..

სულ ბოლო ველებში შეგვყავს პაროლი იმისათვის რომ ბლოკირებულ საიტების სიასთან მხოლოდ ჩვენ გვქონდეს წვდომა. პაროლის დადების შემდეგ, BlockIt-ის გასახსნელად და დასაკონფიგურირებლად მოგვიწევს დადებული პაროლის შეყვანა.

სულ ეს იყო, იმედი მაქვს გამოგადგებათ.. განსაკუთრებით იმ IT მენეჯერებს ვისაც თვქნეს ორგანიზაციებში სიცოცხლე გაქვთ გამწარებული სხვადასხვა საიტებისდა გამო…

შემთხვევითი პოსტები

როგორ გადავამისამართოთ მნიშვნელოვანი ფოლდერები?

DEVI — Mon, 10 May 2010 21:57:59 +0000

საკუთარი გამოცდილებიდან კარგად მახსოვს რომ ხშირია შემთხვევა როდესაც კომპიუტერის ოპერაციული სისტემა საშინლად ზიანდება, ზოგჯერ ისეც კი რომ სრულიად შეუძლებელია მისი ჩართვა.

ხოლო ქართველი მომხმარებლების ერთერთი საყვარელი ჩვევა კი ყველაფერის Desktop-ზე დაყრაა.. ამ დროს კი იწყება მთელი რიგირ პრობლემები და ნერვიულობები, “ვაიმე ყველაფერი წაიშლება?” , “Desktop-ზე მნიშვნელოვანი ფაილები მქონდაა.. “ და ა.შ.

გამოსავალი

რათქმაუნდა ამ დროს გამოცდილი სპეციალისტი უმალვე აიღებს რაიმე Boot პროგრამას ან სულაც Live CD-ს და უპრობლემოდ გადაწერს Desktop-იდან და My Documents-იდან ყველაფერს.

მაგრამ აქ საქმის სხვა მხარე ჩნდება..

1. ეს გადაწერ-გადმოწერა მოითხოვს დიდ დროს

2. ერთხელ გადაწერთ მაგრამ მას შემდეგ რაც ახალ სისტემას ჩააბარებთ მომხმარებელს, ის კვლავინდებურად დესკტოპზე და სხვა საშიშ ადგილებში გააგრძელებს მნიშვნელოვანი ინფომრაციის შენახვას..

აი სწორედ აქ ჩნდება ძალიან პრაქტიკული გამოსავალი..

რა მოხდება რომ My Documents-ი, Desktop-ი და ყველა სხვა მნიშვნელოვანი ფოლდერი გადამისამართებული იყოს სხვა, მაგალითად D: დისკზე?

ამ დროს რასაც დესკტოპზე დააგდებთ სინამდვილეში ის D:/ დისკზე შეინახება და რაც არ უნდა კატასტროფა მოხდეს С:-ზე, სანერვიულო აღარაფერია.. პირდაპირ მიაფორმატებთ და ინფორმაცია არ დაიკარგება..

მეთოდი და აღწერა:

საერთოდ My Documents-ი, Desktop-ი, My Pictures-ი და ყველა მსგავსი დოკუმენტის ოფიციალური მისამართები ინახება თვითონ ვინდოუსის რეესტრში, ამიტომ პირველ რიგში ვაკითხავთ რეესტრს..

ვიძახებთ Run-ს (CTRL + R) და ვწერთ regedit

გამოსულ ფანჯარაში მარჯვენა ხის სტრუქტურულ ფოლდერებში შევდივართ შემდეგ მისამართზე:

HKEY_CURRENT_USER\Software\Microsoft\Windows\CurrentVersion\Explorer\ShellFolders

სურათზე როგორც ხედავთ მე გადამისამართებული მაქვს რამდენიმე ფოლდერი D-ზე.. ასევე თქვენც შეგიძლიათ ორჯერ დაჭერით გახსნათ თქვენთვის სასურველი სტრინგი და მიუთითოთ ის მისამართი რომელზედაც გინდათ ინახებოდეს მოცემული ფოლდერი..

მაგალითად მონახეთ სტრინგი Desktop , ორმაგი კლიკით გახსენით ის და გამოსულ ფანჯარაში ჩაუწერეთ მისამართი რომელზეც გინდათ გადამისამართდეს დესკტოპი:

ჩემს შემთხვევაში ამიერიდან რასაც ჩავწერ დესკტოპზე სინამდვილეში ის შეინახება მისამართზე: D:/System/Desktop

გაფრთხილება! სანამ გადამისამართებას გააკეთებდეთ მანამდე კარგად გადაამოწმეთ დესკტოპზე (ან რომელ ფოლდერსაც ამისამართებთ) არსებული მნიშვნელოვანი ინფორმაცია გაქვთ თუ არა შენახული სხვაგან იმიტომ რომ თუკი გადამისამართებას მოახდენთ, მანამდე ჩაწერილი ფაილები აღარ გამოჩნდება დესკტოპზე და შემდგომ მისი პოვნა გაგიჭირდებათ!

და დამატებით კიდევ ერთი კარგი ხერხი..

იმისათვის რომ ყოველი სისტემის გადაყენებისას არ მოგიწიოთ ამ მოსაწყენი საქმის მუდმივად გამეორება, გააკეთეთ შემდეგი:

მიიტანეთ მაუსი ფოლდერზე “ShellFolders” და მარჯვენა ღილაკით მენიუში მიეცით Export, შეინახეთ სასურველ ადგილას.

ამის შემდეგ როდესაც სისტემას გადააყენებთ უბრალოდ გაუშვით თქვენს მიერ შენახული რეესტრის ფაილი და ორჯერ თანხმობის შემდეგ სტანდარტულ ShellFolders თავზე გადაეწერება თქვენს მიერ წეღან შექმნილი ახალი კონფიგურაციის ShellFolders –ი.

*თქვენ შეგიძლიათ იგივენაირი ექსპორტი გაუკეთოთ მხოლოდ სტრინგს, მაგალითად მარტო დესკტოპის გადამისამართებას..

მეთოდი მუშაობს როგორც XP-ზე ასევე Vista / 7 -ზეც..

მოკლედ ეს მეთოდი ძალიან გიადვილებთ საქმეს..

მას შემდეგ რაც ფოლდერები გადამისამართებული იქნება, დროთა განმავლობაში მნიშვნელოვანი ფაილები იქ დაგროვდება. უეცრად თუკი ფუჭდება სისტემა, თქვენ უპრობლემოდ პირდაპირ შლით სისტემას და აყენებთ ახალს..

მერე შედიხართ და უშვებთ იმ რეესტრის ფაილს (წეღან რაც შევინახეთ), ორჯერ ეთანხმებით და ერთ რესტარტს აკეთებთ.

ჩაიტვირთება სისტემა და WOW, ყველაფერი რაც დესკტოპზე (და My Documents-ში და ა.შ.) იყო ისევ აქაა

დავზოგეთ დრო… დავზოგეთ შრომა