Pomegranate NS08 – მულტიფუნქციონალური რევოლუცია!

ალბათ ყველა თქვენთაგანს გიფიქრიათ მომავალზე, მომავლის ტექნოლოგიებზე. გაგჩენიათ კითხვა “ნეტა როგორი ტექნიკა იქნება მომავალში?” და დაგიწყიათ საკუთარი ფანტაზიით მომავლის ტექნოლოგიების განჭვრეტა… დაწყებული მფრინავი მანქანებიდან დამთავრებული ყველა ფუნქციის მქონე ტელეფონებით

უპს! ყველა ფუნქციის მქონე ტელეფონებიიით ? რა სისულელეა, ეს ხომ უკვე არსებობს? როგორ არა ამაზე ხომ მთელი ინტერნეტ სამყარო ლაპარაკობს! თქვენ რა არ გაგიგიათ ახალი “ბროწეულის” ტელეფონის შესახებ?

ხოდა ვინც ამ წუთას “არა” მიპასუხა იმათ საყურადღებოდ დავიწყებ ახალი “მულტიფუნქციონალური ბროწეულ-ფონის” პრეზენტაციას…

მოკლედ წარმოიდგინეთ, დილას თქვენს ტელეფონზე დაყენებული მაღვიძარა გაღვიძებთ, იღებთ ტელეფონს და თიშავთ მაღვიძარას… დგებით, ცოტახანში მიდიხართ პირსაბანთან და უცებ სარკეში ხედავთ რომ წვერი გაქვთ გასაპარსი (ეს კაცებმა უნდა წარმოიდგინოთ ). იღებთ საპარს.. ოღონდ არა ჩვეულებრივ საპარს არამედ ისევ თქვენს ტელეფონს, მენიუში ირჩევთ საპარსის ფუნქციას და იწყებთ.. ყველაფერი მორჩით, ჩაცმა მოასწარით და შემდეგი კადრი როდესაც უკვე სამზარეულოში შედიხართ. სამწუხაროდ ჭამის დრო აღარ გრჩებათ, მხოლოდ ყავის დალევას თუ მოასწრებთ ამიტომ იღებთ ყავის სადუღარს, ოღონდ არა ჩვეულებრი ყავის სადუღარს არამედ თქვენს ტელეფონს.. დიახ დიახ თქვენს ტელეფონს რომელსაც შემდეგ წყლით სავსე ჭიქის თავზე ანთავსებთ და ელოდებით, მოკლე დროში თქვენი ჭიქაში არსებული წყალი ამოიტუმბება და ჩამოისხმება ცხელი არომატული ყავა მორჩით ყავის დალევას და უკვე სახლიდან გადიხართ, მალე თქვენი კომპანიის თათბირი იწყება სადაც თქვენ საპრეზენტაციო მოხსენებით გამოდიხართ.. ჯდებით მანქანაში და დაადგებით ქუჩას მაგრამ ცოტახანში საცობში იჭედებით (თბილისში განსაკუთრებით ), იღებთ ისევ თქვენს ტელეფონს  და  რეკავთ ოფისში, ატყობინებთ რომ შეიძლება დაგაგვიანდეთ, თათბირი ჯერ არ დაიწყოს ამის შემდეგ ისევ თქვენს ტელეფონში რთავთ GPS-ს  და მისი საშუალებით  უახლოეს ალტერნატიულ გზას პოულობთ ოფისამდე… ცოტახანში აჩქარებული ნაბიჯით შედიხართ ოფისში და კაბინეტის კარს აღებთ, თათბირისთვის ყველა მზად არის. მხოლოდ ერთი პროექტორი და თქვენი პრეზენტაციაა საჭირო პროექტორი გჭირდებათ? არაა პრობლემა, იღებთ ისევ თქვენს ტელეფონს რთავთ პროექტორის ფუნქციას და უბრალოდ დებთ ჰორიზონტალურ მდგომარეობაში მაგიდაზე.. კედელზე თქვენი პრეზენტაცია ჩნდება ცოტახანში პრეზენტაციას ამთავრებთ და აღმოჩნდა რომ თქვენს კოლეგებს საუდის არაბეთიდან რაღაც შეკითხვა აქვთ (საიდან მომაფიქრდა ) და სამწუხაროდ ენის პრობლემაა? საქმე იმაშია რომ აქ მხოლოდ ენის პრობლემაა და არა თარჯიმანის. და რათქმაუნდა არა ჩვეულებრივი თარჯიმანის არამედ ისევ თქვენი ტელეფონის რომელსაც 50 ენაზე შეუძლია თარგმნოს თქვენი საუბარი. მიიღეთ კითხვა მათ ენაზე და უპასუხეთ ისევ მათსავე ენაზე, ამაში თქვენი ტელეფონი დაგეხმარებათ თათბირის დასრულების შემდეგ თუ რომელიმე თქვენთაგანი განტვირთვის მიზნით ტუჩის გარმონის გამოყენებას აპირებს, უბრალოდ შედის მენიუში, აჭერს ტუჩის გარმონის ღილაკს და დანარჩენი ალბათ თქვნთვითონაც მიაგნებთ

მოკლედ ამ პატარა სცენებით მაქსიმალურად შევეცადე ამეხსნა  ”ბროწეულ-ფონის” იგივე “Pomegranate NS08″-ს მულტიფუნქციონალურობა. და თუ კი ამ ყველაფრის წარმოდგენა მაინც გიჭირთ ეწვიეთ მის ოფიციალურ ვებგვერდს ან უყურეთ სადემონსტრაციო ვიდეოს :

და ბოლოს, ალბათ გაინტერესებთ ამ სიამოვნების ფასი

საქმე იმაშია რომ უმეტეს შემთხვევაში ფასი არ გააჩნია იმას რაც არარსებობს დიახ არ მოგესმათ.. არ არსებობს, ეს ტელეფონი არარსებობს და არც იარსებებს უახლოესი წლების განმავლობაში მაინც. ეს ყველაფერი დაწყებული ტელეფონიდან დამთავრებული მისი სატესტო ვერსიის არსებობით ერთი ძალიან ჭკვიანურად გათვლილი მარკეტინგული ხერხია (ფაქტიურად ერთი დიდი ტყუილი)  რომელიც “Nova Scotia | Canada” იგივე “ახალი შოტლანდიის” ტურისტულ სარეკლამო კამპანიას ემსახურება აბა სცადეთ და ტელეფონის ოფიციალურ ვებგვერდზე გაგიეთ მისი საფასური, პასუხად მიიღებთ ლამაზი ეფექტებით წარწერას:

“ოდესმე მართლაც გექნებათ მოწყობილობა რომელშიც ეს ყველა ფუნქცია იქნება თავმოყრილი. მაგრამ თქვენ უკვე გაქვთ ადგილი სადაც ეს ყველაფერი არის”

ეს ადგილი სწორედ ახალი შოტლანდიაა (Nova Scotia) რომელიც აღმოსავლეთ კანადაში მდებარეობს. მმართვლობის დაკვეთით კომპანია Bristol Group-ს უნდა შეემუშავებინა სარეკლამო კამპანია რომლის მიზანიც ტურისტების მოზიდვა იქნებოდა ჩვენი საოცარი ტელეფონი კი სწორედ ამ სარეკლამო კამპანიის ნაწილია რომელმაც თითქმის 1 წელია უკვე არაერთი უცხოელი ტურისტი მიიზიდა ახალ შოტლანდიაში

ამის მერე ისღა დაგვრჩენია ისევ დავჯდეთ და ვიფიქროთ მომავალზე, ჩვენი ფანტაზიით გამოვიგონოთ მომავლის ტექნოლოგიები რომელთაგანც ერთერთი  ყველა ფუნქციის მქონე ტელეფონი იქნება.. ამასობაში კი არც თუ ისე შორ მაგრამ ალბათ არც ისე ახლო დროში იმედია სამყაროს Nokia Morph-ი მოევლინება