წინა სტატიაში შემოგთავაზეთ მეთოდი თუ  როგორ შევუცვალოთ ფოლდერს და სისტემურ ფოლდერებს აიკონები. დღეს ვისაუბრებთ My Computer-ში არსებულ (HDD) მყარი დისკების აიკონები შეცვლაზე.

 

პირველი მეთოდი:

1. ჯერ ვიმოქმედოთ იმ გზით რითაც ვცვლით ჩვეულებრივი ფოლდერის იკონებს, ანუ ნებისმიერ ფოლდერზე მარჯვენა წკაპით გავხსნათ [Properties], შემდეგ [Costumize] და შემდეგ [Change Icon]

2. აირჩიეთ სასურველი იკონკა და გამოითვალეთ მისი პოზიცია ფაილში. ამისათვის მარცხენა ზედა იკონი მონიშნეთ და ქვედა ისრის გამოყენებით ჩამოჰყევით მონიშვნას და თან დაიწყეთ პოზიციის დათვლა. პირველი იკონი ჩათვალეთ 0-ად ხოლო მეორე (ფურცელი წითელი A-თი) 1-ად, ასე შემდეგ მიადექით სასურველ იკონს (მაგალითად ამ მეთოდით დათვლილი 15-ე იკონი არის My Computer-ის იკონი, მისი პოზიციაა 15). დაიმახსოვრეთ იკონის პოზიცია

3. თუ თქვენ არ გნებავთ სისტემურ ფაილში არსებული იკონი და გაქვთ ცალკე ჩამოტვირთული ან თქვენივე შექმნილი ICO ფაილი, უბრალოდ დაიმახსოვრეთ იმ ფაილის მისამართი კომპიუტერში.

4. ამის შემდეგ უნდა დავწეროთ სპეციალური Autorun-ფაილი სასურველი დისკისათვის (მაგალითად D: დისკისათვის), ამისათვის გახსენით Notepad-ი და და პირველ ხაზზე დაწერეთ [autorun], მეორე ხაზზე ICON= შემდეგ იკონების ფაილის ან იკონის მისამართი, და მძიმის შემდეგ იკონის ინდექსი (თუ იკონების DLL ფაილს იყენებთ), მაგ:

[autorun]

ICON=C:\WINDOWS\SYSTEM\SHELL32.DLL,15

ან ასე:

[autorun]

ICON=D:\DEVI\PCMania\hard_drive.ico

5. ამის შემდეგ Notepad-ში მიეცით Save As და ფაილს დაარქვით სახელი autorun.inf , ფაილი დაასეივეთ იმ დისკზე რომლის იკონკაც გსურთ რომ შეიცვალოს, მაგალითად D: -ზე (არ დაგავიწდეთ რომ ფაილი უნდა იყოს პირდაპირ დისკზე და არა მის რომელიმე ფოლდერში. თუ ეს ფაილი ხელს გიშლით და თვალში გეჩხირებათ უბრალოდ: მარჯვენა წკაპით გავხსნათ [Properties] და მონიშნეთ “სკვინჩა” [] Hidden )

          6. შემდეგ OK და ერთი Restart-ი!

მეორე მეთოდი:

1. ვინც რეესტრში მუშაობა იცის მათ საყურადღებოდ. Start > Run-იდან გაუშვით Regedit ბრძანება

2. გამოსულ რეესტრის რედაქტორში გააჭერით მისამართზე:

HKEY_LOCAL_MACHINE\SOFTWARE\Microsoft\Windows\CurrenTVersion\Explorer

3. მოძებნეთ Explorer ფოლდერის ქვე ფოლდერი driveicons , თუ ასეთი ფოლდერი არ არსებობს უბრალოდ Explorer ფოლდერზე მარჯვენა წკაპით მიეცით New > Key  და ახალგახსნილ პაპკას დაარქვით driveicons

4. შემდეგ მოძებნეთ ან შექმენით მისი ქვე ფოლდერი C, D ან E და ა.შ. (სასურველი დისკის სახელი)

5. არჩეული ან შექმნილი  (C, D და ა.შ.) სახელის ფოლდერის შიგნით შექმენით ან გახსენით კიდევ ქვეფოლდერი DefaultIcon.

6. DefaultIcon ფოლდერში მარჯვენა ფანჯარაში გამოჩენილ წითელ String Value-ს  (Default აწერია) მიაწკაპუნეთ ორჯერ

7. გამოსულ ფანჯარაში Value  Data ველში ჩაწერეთ იკონების ფაილის ან იკონის მისამართი, და მძიმის შემდეგ იკონის ინდექსი (თუ იკონების DLL ფაილს იყენებთ), მაგ:

C:\WINDOWS\SYSTEM\SHELL32.DLL,15

ან:

D:\DEVI\PCMania\hard_drive.ico

8. შემდეგ OK და Restart-ი!

ყველაფერი მზადაა…

იმედია ეს ორივე მეთოდი გამოგადგებათ და თქვენი HDD დისკებიც უფრო ლამაზი და თვალშისაცემი გახდება.